0211 - 0212 宇宙船 #扭蛋劇場 三人行
O: 企喺度！你地違反限聚令喎。去邊呀？
A: 我地去拍拖。
O: 拍拖？你地邊個同邊個一齊呀？
Y: 我同佢一齊。
O: 咁你呢？你係做咩㗎？
Y: 佢係我老師。
N: 你好，我都係阿sir，佢地阿sir。
O: 學生拍拖，關你咩事呀？
A: 阿sir，我地係open relationship。
O: 等陣先！你係open relationship吖，定師生戀先？
N: 其實係可以並存嘅。
O: 你為人師表喎。
N: 冇錯吖。
Y: 三人行必有我師。
O: 佢地拍拖，你又一齊拍拖？你幾歲呀？差好多年喎。
N: 我會覺得我係從旁指導同加以協助囉。
O: 咁嘅藉口你都講得出呀？
N: 吓？阿sir我同好多學生open relationship㗎喎，你都係阿sir，你冇理由唔明㗎。
O: 點解我會明呀？
N: 新聞話你明㗎喎。
O: 我嗰啲唔計。
N: 唔計？
O: 你用花言巧語去呃學生，我有理由壞疑你欺詐。我唔同，我有時有俾錢，有時唔俾錢。
N: 咁即係點呀？
O: 即係唔算愛情，即係派利是。
Y: 阿sir咁我地可唔可以走先？
O: 唔走得住，你話佢係你老師，你要證明，你留低。
A: 但係男朋友留底，你地又三個人，又違反限聚令喎。
O: 所以你男朋友同佢老師二人行，你跟我，二人行，咁就啱啦，我地而家去二人行，你地企喺度，我未返嚟唔准走。
Search